UMfundisi Useni Sibanda Utshele uChiwenga Bhadla Ukuthi Abantu beMatabeleland Bayafuthelana ngeGukurahundi

Udaba lweGukurahundi lube segudwini emngcwabeni wenduna yeLupane, uChief Mabhikwa ngoMgqibelo lapho umsekeli kaMongameli welizwe, uMnu Constantino Chiwenga azithole esekhuluma ngalo kulandela ukuvuswa kwalo nguMfundisi Useni Sibanda.

Esethula amazwi akhe, uSibanda uncome uMabhikwa esithi wayezimisele ukubona udaba lwalumbhuqazwe lulungisiswa.

Ngakho, uthe uhulumende laye kumele azinikele ukulungisa loludaba ngoba abantu abaphathwa kubi yiGukurahundi eMidlands laseMatabeleland belokhe befuthelene.

Ephendula, uChiwenga utshele abantu ekade besemngcwabeni ukuthi uwazwile amazwi kaSibanda, wathembisa ukuthi uhulumende uphezu kwalo loludaba encedisana lezinduna.

Kodwa isiphathamandla seZanu PF uMnu Obert Mpofu yena wethule amazwi esola inkuthazo kaSibanda esithi abantu beMatabeleland abadingi kukhunjuzwa ngodaba lolu ngoba kuyikubathunuka.

Khepha uSibanda utshele iStudio 7 ukuthi uma ngamazwi akhe njalo akavumelani loMpofu.

Source : VOA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s